दार्चुलाको मार्मा गाउँपालिका–६ सिरोली स्थायी घर भएकी राजेश्वरी धनगढीको दिपेन्द्र प्रहरी स्कुलमा पढाउँदै आएकी थिइन् । उनी गत भदौ ६ गते धनगढी उपमहानगरपालिका–३ मा झुण्डिएको अवस्थामा मृत भेटिएकी थिइन् । जगदिशले आफूसँग विवाह गर्ने भन्दै प्रेम गरेको तर अहिले आएर धोका दिएको भन्दै आत्महत्याको बाटो रोजेको उनले लेखेको सुसाइड नोटमा उल्लेख गरेकी थिइन् ।
राजेश्वरीको मृत्युपछि भदौमै उनका बुवा राजेन्द्रसिंह डडालले जिल्ला प्रहरी कार्यालय कैलालीमा जगदिशविरुद्ध छोरीलाई आत्महत्या गर्न बाध्य पारेको भन्दै आत्महत्या दुरुत्साहनमा किटानी जाहेरी दिएका थिए ।
