चितवन १२ साउन
चितवनको सिमलतालमा दुई साताअघि पहिरोले बगाएर त्रिशूलीमा बेपत्ता भएका दुई बसको खोजीका लागि प्रयाेग गरिएकाे चुम्बक नै हराएकाे छ ।
असार २८ गते बिहान साढे ३ बजेतिर भरतपुर २९ स्थित नारायणघाट-मुग्लिन सडकको सिमलतालमा पहिरोले बगाएर वीरगन्जबाट काठमाडौं जाँदै गरेको एन्जल डिलक्स र काठमाडौंबाट गौर जाँदै गरेको गणपति यातायातको यात्रुवाहक बस त्रिशूली नदीमा खसेका थिए । बसमा ६५ यात्रु रहेकामा तीन जनाले पौडिएर ज्यान जोगाएका थिए । बेपत्ता ६२ जनामध्ये अहिलेसम्म २४ जनाको शव भेटिएको छ । बाँकी यात्रु र बसकाे अत्ताेपत्ताे छैन ।
यसैबीच भारतबाट ल्याएर प्रयोग गरिएका दुईवटा ठुला चुम्बकमध्ये एउटा हराएको हाे ।
