चितवन १६ असार
भरतपुरको विपी कोइराला क्यान्सर अस्पतालमा उपचारको लागि आएका चिनियाँ नागरिक मृत भेटिएका छन् ।
बीपी कोइराला क्यान्सर अस्पतालमा उपचार गराउँदै आएका ५६ वर्षीय चिनियाँ नागरिक बियान चाङ्क्सिन आज बिहान ८ बजेर ५५ मिनेटमा बर्षना होटलको कोठाभित्र मृत भेटिएका हुन् ।
उनी यही असार १० गतेदेखि सो होटलमा बसेर बीपी कोइराला क्यान्सर अस्पतालमा उपचार गराउँदै आएका थिए ।
घटनाको सम्बन्धमा अनुसन्धान भइरहेको जिल्ला प्रहरी कार्यालय चितवनले जनाएको छ ।
